| Chuk Wan's profile一米星光PhotosBlogLists |  Tools  Help |
|
September 28 放假 七日黄金周假期，大肚便便，又成日要去TOILET，想去远门都唔得。今日要做晒D野，之后好好休息几日，或者得闲去吓买野吧，睇睇有咩岩BB用嘅，虽然而加买系早得D，不过好过无野做丫。
唔知系米因为个肚高顶住个胃，呢几日个胃都好似“烧心”佄，好似有胃酸要涌出黎，无乜胃口食野。不过如果个肚太低，又话会顶住膀胱，个肚一日日大，可能去TOILET个频率都高到你唔信。真系高又唔好低又唔好，唔知点算？！！ September 22 宝贝今晚老公要睇宏远比赛，我一个人系屋企，到处逛，去左CRYSTAL个SPACE,听到苏打绿既“小情歌”，好似感受到距既一切感受，知道距最近既状况，羡慕距可以一个人自由自在生活。
我睇睇自己个肚，已经明显突晒出黎，一睇就知道有左。入面有一个小生命，会时不时踢我，提醒我系时候摸下距，开始听儿歌、故事、胎教音乐，希望第时BB喊个阵我一播翻呢D音乐，距觉得熟悉就会唔喊。呵呵，我呢个妈咪已经为未来凑BB呢个伟大既任务做好准备！寻晚先“警告”老公，如果第时有边个够胆打我家叶宝宝既话，我就好似SA姨打嘉美感，打翻距！
BB一日日长大，每次做超声波见到距个阵，好似有千亿吨母爱要溢出黎感，好想快D可以抱住距，同距讲：“BB，你系妈咪最心爱最心爱既宝贝，妈咪会锡晒你～”就算老公都要企埋一边哦，我既宝贝最宝贝！！
11号个日去做检查，医生话要睇睇BB既结构，有无兔唇之类。宝宝既唇好似爹地个个，简直系一摸一样，医生话：“拿，呢度系眼睛，呢度系鼻，嗯，无兔唇，呢个系心脏，呢个系胃……睇睇小手手，哈哈……”原来医生话要睇小手手个阵，BB特别举高双臂摊开双掌俾医生睇，医生都忍唔住笑。老公总话：“哎呀，距系米郁紧啦？” 不过到医生话要睇脚仔个阵，距就偏偏收埋两只脚仔唔俾医生睇，搞到医生要我落地行左十分钟，BB最后都好乖，听医生叔叔既话。
所有验血报告都正常，超声波又睇到BB既结构好好，总有一半时间咋，孕期过得好快，BB好快就要同我地见面。
|
|
|
